श्रीमती कुटपिटको आरोपमा सु.वि.वि.का उपप्राध्यापक पक्राउ

कैलाली : सुदूरपश्चिम विश्वविद्यालयका एकजना उपप्राध्यापक पक्राउ परेका छन् । श्रीमती कुटपिटको आरोपमा विश्वविद्यालयको केन्द्रीय क्याम्पस महेन्द्रनगरमा कार्यरत उपप्राध्यापक पृथ्वीराज भट्टलाई प्रहरीले पक्राउ गरेको हो ।

 शनिबार गोबरैयास्थित घरमै श्रीमती जयन्ती भट्टमाथि कुटपिट गरेको आरोपमा माइती पक्षले दिएको उजुरीका आधारमा उनलाई पक्राउ गरिएको प्रहरीले जनाएको छ ।

मदिरा सेवन गरेर भट्टले कुट्दा श्रीमती जयन्ती भट्ट गम्भीर घाइते भएकी थिइन् । जयन्तीको टाउको, हात, छातीमा गम्भीर चोट लागेको छ । उनको सेती प्रादेशिक अस्पतालमा उपचार भइरहेको जयन्तीका आफन्त वसन्त भट्टले बताए ।