एनपिएल अन्तरगत सोमबार देखी दुई ओटा खेलहरु हुने

काठमाडौं : नेपाल प्रिमियर लिग (एनपिएल) शनिबार देखी सुरु भैसकेको छ । एनपिएल अन्तरगत सोमबार देखी दुई ओटा खेलहरु आयोजना हुने भएका छन । आईतबार खेल आयोजना गरिएको छैन भने सोमबार देखी प्रति दिन दुई ओटा खेलहरु आयोजना हुने आयोजक नेपाल क्रिकेट काउन्सिल (क्यान) ले जनाएको छ ।

सोमबारको पहिलो खेल बिहान ९ः१५ देखी सुरु हुनेछ । जसमा काठमाण्डौ गोर्खाज र चितवन राईनोज एक आपसमा भिड्नेछन भने दिउँसो १ः१५ देखी सुरु हुने दोस्रो खेलमा जनकपुर बोल्टर्स र कर्णाली याक्स बिच प्रतिष्पर्धा हुनेछ ।

प्रतियोगिता अन्तरगत सुदूरपश्चिम रोयल्सको पहिलो खेल मंगलबार बिहान ९ः१५ बजे बिराटनगर किंग्स सँग हुनेछ । त्यसपछि यही मंसिर २० गते दिउँसो काठमाण्डौ गोर्खाज, २२ गते बिहान लुम्बिनी लायन्स, २३ गते दिउँसो चितवन राईनोज, २६ गते बिहान जनकपुर बोल्ट्स, ३० गते दिउँसो पोखरा एभेन्जर्स र पुष १ गते कर्णाली याक्ससँग सुदूरपश्चिमले प्रतिष्पर्धा गर्नेछ ।

   खेलतालिका