दाङमा बस दुर्घटना, २१ जना घाइते

बुटवल : दाङमा बस दुर्घटना हुँदा २१ जना घाइते भएका छन् ।

सदरमुकाम घोराहीबाट तुलसीपुर जाँदै गरेको रा १ ख १३८२ नम्बरको बस बिजौरीको डाँडागाउँनेर दुर्घटना हुँदा २१ जना घाइते भएका र ३ जनाको अवस्था गम्भीर रहेकाे प्रहरीले जनाएको छ ।

घाइतेहरुको राप्ती प्रादेशिक अस्पताल तुलसीपुरमा उपचार भइरहेको जिल्ला प्रहरी कार्यालय दाङका डिएसपी ईश्वर थापाले जानकारी दिए ।

बस चालक घाेराही-१० का मनाेज चाैधरी फरार छन् । बस सडकबाट करिब तीन मिटर तल खसेकाे छ ।