लागुऔषध र खैरो हेरोईनसहित दुई जना पक्राउ

धनगढी : कैलालीमा लागुऔषध खैरो हेरोईनसहित दुई जना पक्राउ परेका छन्।

धनगढी उपमहानगरपालिका–१० को जुगेडाबाट सुदूरपश्चिम प्रदेश प्रहरी कार्यालयको टोलीले खैरो हेरोईनसहित दुई जनालाई पक्राउ गरेको हो।

पक्राउ पर्नेमा लम्कीचुहा नगरपालिका–५ का ३५ वर्षीय काशिराम खड्का र धनगढी–१० बस्ने २५ वर्षीय कमल बन्जरा ठाकुर रहेको जिल्ला प्रहरी कार्यालयले जनाएको छ।

उनीहरुको साथबाट ६ ग्राम ४६० मिलीग्राम खैरो हेरोईन बरामद गरिएको छ। दुवै जनालाई जिल्ला प्रहरी कार्यालयको हिरासतमा राखेर अनुसन्धान भइरहेको प्रहरीले जनाएको छ।