बझाङमा सुख्खा पहिरो खस्दा राष्ट्रिय प्रसारण लाइनको विद्युत् सेवा अवरुद्ध !

बझाङ : जयपृथ्वी राजमार्ग अन्तर्गत बझाङको छविसपाथिभेरा गाउँपालिका-१ बालुवाटारमा सुख्खा पहिरो खस्दा राष्ट्रिय प्रसारण लाइनको विद्युत् सेवा अवरुद्ध भएको छ ।

गएराति खसेको सुख्खा पहिरोले विद्युतको तीन मध्ये एक तार चुडाउँदा जिल्लाका अधिकांश स्थानमा विद्युत आपूर्ति अवरुद्ध भएको हो ।

तार चुडिएपछि एउटा लाइन सञ्चालनमा छ भने अर्को लाइन पूर्ण रूपमा अवरुद्ध छ । जसले गर्दा जिल्लाका धेरै क्षेत्रमा विद्युत सेवा प्रभावित भएको छ । प्राधिकरणले भने मर्मतका लागि प्राविधिक टोली खटाइएको र विद्युत सेवा पूर्ण रूपमा सुचारु हुन केही समय लाग्ने जनाएको छ ।