धनगढी : धनगढीमा ६ ग्राम ३१ मिलिग्राम लागु औषध (खैरो हेरोईन) सहित १ जना पक्राउ परेका छन्।
आज बुधबार धनगढी उप-महानगरपालिका वडा नं. ०३ त्रिनगर ब्यारेल नजिक वडा प्रहरी कार्यालय धनगढीबाट इन्सपेक्टर योगेश खत्रीको कमाण्डमा खटिगएको प्रहरी टोलीले उनलाई समातेको हो।
प्रहरीका अनुसार समातिनेमा जिल्ला डोटी दिपायल सिलगढी नगरपालिका वडा नं. ०६ घर भई हाल धनगढी उप-महानगरपालिका वडा नं. ०१ त्रिवेणी चोक कोठा गरी बस्ने वर्ष १८ को अनुरोध श्रेष्ठ रहेका छन्।
उनलाई शंका लागि चेकजाँच गर्दा निजको साथबाट ६०१ मिलिग्राम लागु औषध (खैरो हेरोईन) फेलापारी बरामद गरिएको प्रहरीले जनाएको छ।
उनले सो ड्र्ग्स साबुनभित्र लुकाई-छिपाई राखेको प्रहरीको भनाई छ। अहिले उनलाई हिरासत राखि थप अनुसन्धान कार्य भईरहेको बताइएको छ।
प्रतिक्रिया दनुहोस्