डडेल्धुरामा जिप दुर्घटना, २ जनाको घटनास्थलमै मृत्यु, ९ जना घाइते

डडेल्धुरा : डडेल्धुरामा जिप दुर्घटना भएको छ। दुर्घटनामा २ जना महिलाको घटनास्थलमै मृत्यु भएको छ। जिल्लाको परशुराम नगरपालिका–९ स्थित दैजी–जोगबुढा सडकखण्डको लिप्नामा जिप दुर्घटना भएको हो। 

इलाका प्रहरी कार्यालय जोगबुढाका अनुसार कञ्चनपुरको महेन्द्रनगरबाट सलेना आउदै गरेको लु १ ज ४५७९ नम्बरको जिप सडकबाट ३० मिटर तल खसेको हो। दुर्घटनामा ९ जना घाइते भएको परशुराम नगरपालिका–९ का वडाअध्यक्ष देबबहादुर बोहराले बताए।

घाइतेमध्ये ४ जनाको अवस्था गम्भीर रहेको छ। घाइतेहरुलाई उपचारका लागि धनगढी लगिएको वडाअध्यक्ष बोहराले बताए। मृतक दुबै महिलाको पहिचान भने खुल्न सकेको छैन्। घटनास्थलमा प्रहरी टोली पुगेर अनुसन्धान गर्ने काम भइरहेको छ।