धनगढीः मंसिर १६ गते हुने स्थानीय तह उपनिर्वाचनको लागि उम्मेदवारहरूले मनोनयन दर्ता गराइसकेका छन्। यहाँ जिल्ला समन्वय समिति कैलाली प्रमुखसहित ६ पदका लागि निर्वाचन हुँदैछ।
एमालेले बाजुराको स्वामिकार्तिक खापर गाउँपालिका उपाध्यक्ष पदका लागि सुलोचना कुमारी भण्डारीलाई अघि सारेको छ। बझाङको सुर्मा गाउँपालिका–४ वडाध्यक्ष पदका लागि लखीचन्द बोहरा, डोटीको पुर्वीचौकी गाउँपालिका–६ को वडाध्यक्ष पदका लागि देवबहादुर थापा, दार्चुलाको दुहुँ गाउँपालिका–५ को वडाध्यक्ष पदका लागि मानसिंह बडाल र कञ्चनपुरको भीमदत्त नगरपालिका–६ को वडाध्यक्ष पदका लागि एमालेले बहादुर चन्दलाई उम्मेदवार बनाएको हो।
नेपाली काँग्रेसले स्वामिकार्तिक गाउँपालिका उपाध्यक्षमा पुल्तीसरा शाहीलाई उम्मेदवार बनाएको छ। सुर्मा गाउँपालिका–४ वडाध्यक्ष पदका लागि वीरेन्द्र पुजारा, पुर्वीचौकी गाउँपालिका–६ को वडाध्यक्ष पदका लागि मोहनबहादुर थापा, दुहुँ गाउँपालिका–५ को वडाध्यक्ष पदका लागि धनबहादुर कुँवर र भीमदत्त नगरपालिका–६ को वडाध्यक्ष पदका लागि प्रकाशबहादुर चन्दलाई कांग्रेसले उम्मेदवार बनाएको छ।
प्रतिक्रिया दिनुहोस्