धनगढी । दार्चुलामा जिप दुर्घटना हुँदा ६ जनाकाे मृत्युु भएकाे छ । शैल्यशिखर नगरपालिका -६ काे बकजेबलामा म१ ज ३३८ नम्बरकाे जिप दुर्घटना हुँदा ६ जनाकाे मृत्युु भएकाे प्रहरीले जनाएको छ ।
सुदूरपश्चिम प्रदेश ट्राफिक प्रहरी कार्यालय अत्तरियाका प्रमुख प्रहरी उपरीक्षक(एसपी) राजिव बस्नेतले दुर्घटनामा ६ जनाकाे मृत्युु भएकाे बताए । मृतककाे सनाखत हुन बाँकी छ ।
उनकाअनुसार अन्य ७ जना घाइते भएका छन् भने बाँकी यात्रु पनि सवार रहेकाे हुनसक्ने भएकाले खाेजी भइरहेको छ ।
मालिकार्जुनबाट गाेकुलेश्वरतर्फ आइरहेको जिप बिहान ४ बजेतिर दुर्घटनामा परेकाे हाे ।
प्रहरीकाअनुसार स्थानीय मालिकार्जुन मन्दिरमा लागेकाे जात्रा हेरेर फर्किने क्रममा दर्शनार्थी बाेकेकाे जिप दुर्घटनामा परेकाे हाे ।
जिप सडकबाट करीब १०० मिटर तल खसेको छ ।
दुर्घटनाको कारण भने खुलेकाे छैन् ।
प्रतिक्रिया दिनुहोस्