धनगढी । स्कटल्याण्डमा साउथ साइड कम्युनिटिले देउसी भैलो कार्यक्रम सम्पन्न गरेको छ ।
हिन्दु नेपालिहरुको दोस्रो महान पर्व तिहारको अवसरमा स्कट्ल्याण्डमा बस्ने नेपालीहरु मिलेर बनेको साउथ साइड कम्युनिटीको आयोजनामा देउसी भैलो कार्यक्रम सम्पन्न गरिएको हो ।
विदेशमा रहेर पनि आफ्नो देशको संस्कृति जगेर्ना गर्ने उद्देश्यले नेपालि पाठशालाको लागि देउसी भैलो कार्यक्रम आयोजना गरिएको कम्युनिटिका अध्यक्ष पदमलाल खरेलले जानकारी दिएका छन् ।
अध्यक्ष खरेलका अनुसार देउसी भैलो कार्यक्रममा स्कट्ल्याण्डका विभिन्न संघसंस्थाका प्रतिनिधिहरुको उपस्थिति रहेको थियो ।
साथै नेपालबाट भिजिट भिसामा स्कटल्याण्ड पुगेका ज्येष्ठ नागरिकको पनि देउसी भैलो कार्यक्रममा बाक्लो उपस्थिति रहेको अध्यक्ष खरेलले जानकारी दिएका छन् ।
उक्त देउसी भैलो कार्यक्रमबाट संकलन भएको रकम कम्युनिटिले स्थापना गरेको नेपाली पाठशाला संचालनमा खर्च गरिने देउसी भैलो कार्यक्रमका संयोजक मिलन खरेलले बताएका छन् ।
प्रतिक्रिया दिनुहोस्