बस र मोटरसाइकल ठोक्किएर दुर्घटना, दुई जना घाइते

धनगढी : कैलालीको अत्तरियामा बस र मोटरसाइकल ठोक्किएर दुर्घटना भएको छ ।

गोदावरी नगरपालिका अत्तरियास्थित धनगढी रोडमा से१ख ९१५ नम्बरको बस र मोटरसाइकल ठोक्किएका छन् । दुर्घटनामा दुई जना घाइते भएका छन् ।

दुबै जनालाई अत्तरियास्थित पद्मा अस्पतालमा ल्याइएको छ । बस चालक भने फरार रहेका इलाका प्रहरी कार्यालय मालाखेतीले जनाएको छ । दुर्घटनाको पूर्ण विवरण आउन बाँकी छ ।