भरुवा बन्दुकसहित बाजुराका तीन जना पक्राउ

बाजुरा : बाजुरामा भरुवा बन्दुकसहित तीन जना पक्राउ परेका छन् । पक्राउ पर्नेमा गौमुल गाउँपालिका-६ का ६३ वर्षीय गोरे लुहार, बडीमालिका नगरपालिका-१ सलेनाका ३९ वर्षीय गोरख कार्की र ३७ वर्षीय बुद्ध कार्की रहेका छन् ।

उनीहरुलाई गौमुल-६ सटेडाबाट १० थान भरुवा बन्दुक र बन्दुकको ३३ थान नालसहित मंगलबार बिहान पक्राउ गरेको प्रहरीले बताएको छ ।

गोरेको घरमा अवैध भरूवा बन्दुकको कारोबार भइरहेको भन्ने सूचनाको आधारमा इलाका प्रहरी कार्यालय गौमुलबाट खटिएको प्रहरीले घरभित्र लुकाई राखेका बन्दुक फेला पारी गोरे तथा बन्दुक खरिद गर्न आएका गोरख र बुद्धलाई समेत पक्राउ गरिएको प्रहरीले बताएको छ ।बाजुरा प्रहरीले यस विषमा थप अनुसन्धान अघि बढाएको जनाएको छ ।