धनगढी : कैलालीबाट ठूला परिणाममा लागू औषध खैरो हेरोईन सहित ५ जना पक्राउ परेका छन । जिल्लाका छुट्टाछुटै स्थानबाट प्रहरीले एकैदिन ३३ ग्राम २७० मिलिग्राम लागु औषध खैरो हेरोईन सहित ५ जनालाई पक्राउ गरेको हो ।
धनगढी उपमहानगरपालिका – १ साथी होटल पछाडीको गल्लीबाट धनगढी – २ का २४ वर्षीय उमेश चौधरी र लखिमपुर पलिया भारतका २५ वर्षीय प्रदिप मौरेलाई चेकजाँच गर्दा मौरेको साथबाट १० ग्राम खैरो हेरोईन बरामद गरिएको जिल्ला प्रहरी कार्यालय कैलालीले जनाएको छ ।
यस्तै लागू औषध सहित अछामको चौरपाटी गाउँपालिका – १ घर भई हाल धनगढी उपमहानगरपालिका – ४ का प्रियंका होटेल संचालक ३६ वर्षीय बिजय साउँद पक्राउ परेका छन । उनको साथबाट ३ ग्राम ३८० खैरो हेरोईन बरामद गरिएको प्रहरीको भनाइ छ ।
यसैबिच ईलाका प्रहरी कार्यालय टीकापुर र प्रहरी चौकी कालाकुण्डाको संयुक्त प्रहरी टोलीले टीकापुर नगरपालिका – ९ खग्रौला चेक पोष्ट नजिकबाट लम्कीचुहा नगरपालिका – १ का २२ वर्षीय उपेन्द्र साउदलाई लागू औषध सहित पक्राउ गरिएको छ ।
भारतबाट सुपप्र ०१–००९ प ३४१६ नम्बरको मोटरसाइकलमा नेपाल तर्फ आईरहेको अवस्थामा चेकजाँच उनले मोटरसाइकलको सिट मुनी लुकाएर राखेको अवस्थामा ९ ग्राम ६८० मिलिग्राम लागु औषध खैरो हेरोईन बरामद गरिएको जिल्ला प्रहरी कार्यालय कैलालीले जनाएको छ ।
यस्तै लम्कीचुहा नगरपालिका २ मोतिपुर का २० वर्षीय रोशन शाहीलाई शंका लाहि चेकजाँच गर्दा उनको साथबाट २१० मिलिग्राम लागु औषध खैरो हेरोईन बरामद गरिएको प्रहरीको भनाइ छ ।
प्रतिक्रिया दिनुहोस्