बझाङ : बझाङमा सोमबार बिहान जिप दुर्घटना भएको छ । जयपृथ्वी नगरपालिका-११ भोपुरमा तलकोट गाउँपालिकाबाट सदरमुकाम चैनपुर आउँदै गरेको बा१८च ५१४९ नम्बरको जीप दुर्घटना भएको हो ।
दुर्घटनामा चार जना घाइते भएका छन् । जिपमा सवार तलकोट-१ का ५६ वर्षीय वीरबहादुर बम, सोही ठाउँकी ४५ वर्षीया धनलक्ष्मी बम, जयपृथ्वी नगरपालिका-११ का १७ वर्षीय शंकर धामी र २५ वर्षीया विद्या बोहोरा घाइते भएका जिल्ला प्रहरी कार्यालय बझाङले जनाएको छ ।
प्रहरीका अनुसार घाइते सबैको जिल्ला अस्पताल बझाङमा उपचार भइरहेको छ । जिपमा चालकसहित ७ जना सवार थिए । जिप चालक तलकोट-१ का २३ वर्षीय नवीन बोहरालाई नियन्त्रणमा लिइएको बझाङ प्रहरीले जनाएको छ ।
प्रतिक्रिया दिनुहोस्