खेतबारीमा जुवातास खेलिरहेको अवस्थामा १३ जना जुवाडे पक्राउ

धनगढी : कैलालीको धनगढीमा प्रहरीले १३ जना जुवाडे पक्राउ गरेको छ । धनगढी उपमहानगरपालिका- बङग्राकटानमा खेतबारीमा जुवातास खेलिरहेको अवस्थामा सोही ठाउँका ३४ वर्षका हरि विष्टसहित ७ जनालाई पक्राउ गरेको प्रहरीले बताएको छ ।

गोप्य सूचनाको आधारमा वडा प्रहरी कार्यालय धनगढीबाट खटिएको टोलीले उनीहरुलाई २८ हजार ५६० रुपैयाँ र एक गड्डी ताससहित पक्राउ गरी आवश्यक अनुसन्धान गरिरहेको प्रहरीले जनाएको छ ।

यसैगरी, धनगढी-७ बेलिबजारका महेश चौधरीको घरमा जुवातास खेलिरहेको अवस्थामा सोही ठाउँ बस्ने २९ वर्षका हिक्मत थापासहित ६ जनालाई वडा प्रहरी कार्यालय धनगढीबाट खटिएको टोलीले ६४ हजार २३५ रुपैयाँ र एक गड्डी ताससहित पक्राउ गरेको प्रदेश प्रहरीले जनाएको छ । यस सम्बन्धमा आवश्यक अनुसन्धान भइरहेको प्रहरीले बताएको छ ।