धनगढी : अल स्टार फुटबल एकेडेमीले नमूना युवा क्लबलाई हराउँदै उपाधि जित्न सफल भएकाे छ ।
धनगढी उपमहानगरपालिका-७ पटेलामा पटेला स्माट क्लबद्वारा आयोजित महिला तथा पुरुष फुटबल प्रतियोगिताको महिला तर्फको फाइनल खेलमा अल स्टार फुटबल एकेडेमी (बी) उपाधी जित्न सफल भएकाे हाे ।
अल स्टारले पेनाल्टी सुटआउटमा नमूना युवा क्लबलाई ८-७ले पराजित गर्दै उपाधि जित्न सफल भएको छ। उत्कृष्ट प्रदर्शन गरेकी अल स्टार फुटबल एकेडेमी (बी)का गोलकिपर गायत्री मल्लले प्लेयर अफ द म्याचको उपाधि समेत प्राप्त गरिन्।
प्रतियोगितामा एन्फा महिला लिग २०८१ का विभिन्न प्रदेशका खेलाडीहरू सहभागी थिए, जसमा सुदूरपश्चिम प्रदेशबाट सात खेलाडीसहित टोलीका कप्तान, कर्णाली प्रदेशबाट कप्तानसहित पाँच खेलाडी, र रौतहटबाट एक खेलाडी थिए।
ती खेलाडीहरुलाई पनि अल स्टारले हराएकाे थियाे । खेलको क्रममा सुदूरपश्चिम फुटबल संघले अल स्टारको टिमका खेलाडीलाई खेल्न रोक्ने प्रयास गरे तापनि, अल स्टारले ती सबै चुनौतीलाई पार गर्दै अन्ततः उपाधि हात पार्न सफल भएकाे छ ।
प्रतिक्रिया दिनुहोस्