लागू औषध सहित २ भारतीय नागरिक पक्राउ

कञ्चनपुर : कञ्चनपुरबाट २ भारतीय नागरिक पक्राउ परेका छन । विहिबार लागू औषध सहित भीमदत्त नगरपालिका – १८ बाट २ भारतीय नागरिक पक्राउ परेका हुन ।

लागू औषध कारोवार भईरहेको गोप्य सूचनाको आधारमा जिल्ला प्रहरी कार्यालय कञ्चनपुर र लागू औषध नियन्त्रण व्युरो शाखा महेन्द्रनगरबाट खटिएको प्रहरी टोलीले भारत उत्तर प्रदेश रामपुर ग्राम हाजिर नगर बस्ने २६ वर्षीय रिहान अली र २८ वर्षीय गुफरान अलीलाई पक्राउ गरेको हो ।

उनीहरुको साथबाट २८.३५ ग्राम लागू औषध खैरो हेरोइन बरामद गरिएको प्रदेश प्रहरी कार्यालय धनगढीले जनाएको छ । उनीहरुको साथबाट भारतीय नम्बरको मोटरसाइकल पनि नियन्त्रणमा लिएको प्रहरीले जनाएको छ ।