कञ्चनपुरबाट ५ जना जुवाडे पक्राउ

कञ्चनपुर : कञ्चनपुरको बेदकोटबाट ५ जना जुवाडे पक्राउ परेका छन्।  जिल्लाको बेदकोट नगरपालिका -३ चौरी स्थित मदन सिंह मडैको घरमा जुवातास खेलिरहेको अवस्थामा ४८ वर्षीय मडैसहित ५ जना पक्राउ परेका हुन्। 

उनीहरुलाई अस्थायी प्रहरी पोष्ट दैजीबाट खटिएको प्रहरी टोलीले नगद १३ हजार ८७५ र ४८० पत्ति ताससहित मंगलवार पक्राउ गरेको जनाएको छ। यस सम्बन्धमा प्रहरीले आवश्यक अनुसन्धान गरिरहेको छ।