जनकपुरधाम : धनुषामा स्कूल बसको ठक्करबाट एक बालिकाको मृत्यु भएको छ ।
मंगलबार बिहान करिब १० बजेको समयमा धनौजी गाउँपालिका- २, गोरदाहास्थित जनजयोती स्कूलको बा ३ प ९०६५ नम्बरको बसले रामजानकी स्कूलमा अध्ययनरत्त आरोही कुमारी मण्डललाई ठक्कर दिएको थियो ।
बसको ठक्करबाट घाइते भएकी आरोहिको उपचारको लागि प्रादेशिक अस्पताल, जनकपुरधाममा ल्याएकोमा उपचारको क्रममा करिब ११ बजे मृत्यु भएको धनुषाका प्रहरी प्रवक्ता प्रहरी नायव उपरीक्षक बरुणबहादुर सिंहले जानकारी दिए ।
यता, बसले बालिकालाई ठक्कर दिएपछि आक्रोशित स्थानीयले बसमा आगजनी गरेका छन् । बस पूर्ण रुपमा जलेरको प्रवक्ता सिंहले बताए ।
उनले सो ठाउँमा अवस्था अहिले सामान्य रहेको र बसका चालक फरार भएकाले प्रहरी खोजतलाश गरिरहेको बताए । यस घटना सम्बन्धमा थप अनुसन्धान भइरहेको प्रहरीले जनाएका छन् ।
प्रतिक्रिया दिनुहोस्