कैलालीको जगतपुरमा पासोमा परेको अवस्था चितुवा फेला

धनगढी : कैलाली जिल्लाको जानकी गाउँपालिका जगतपुरमा रहेको कैलाशेश्वर सामुदायिक वन उपभोक्ता समूहमा  पासोमा परेको अवस्था चितुवा फेला परेको  छ ।

जङ्गली जनावरहरूको लागि राखिएको पासोमा परेर वयस्क चितुवा घाइते भएको छ। चितुवाको घाटीमा पासो परेको  सामुदायिक वनका अध्यक्ष खडक बहादुर शाहले जानकारी दिए । पासोमा परेको चितुवा ठुलो स्वरले आवाज निकालेर कराए पछि वनहेरालुले देखेको अध्यक्ष  शाहले बताए ।

घाइते भएको चितुवा  उद्धारको लागि बर्दिया राष्ट्रिय निकुञ्जलाई  विशेषज्ञ तथा प्राविधिक टोली खबर गरेको टिकापुर सब डिभिजन वन कार्यालयका प्रमुख विश्वराज पण्डितले जानकारी दिए । प्राविधिक टोली घटना स्थलमा पुग्दै गरेको छ भने  पासो मोटरसाइकलको ब्रेकको तार बनाएकाले चितुवा जति छटपटाउछ तेति नै पासो कसिदै जाने गर्दछ । पासो कसले र के का लागि राखिएको भन्ने घटनाको अनुसन्धान गरी दोषीलाई कानुनी कारबाही गरिने  प्रमुख  पण्डितले जानकारी दिए ।