काठमाडौं : नेपाल प्रहरीका ३ जना एसएसपी यताउता भएका छन्। प्रहरी प्रधान कार्यालय नक्सालका प्रवक्ता डीआईजी दानबहादुर कार्कीले ३ जना एसएसपीको सरुवा गरिएको जानकारी दिए।
उनका अनुसार दिल्लीस्थित दूतावासमा रहेका एसएसपी उमाप्रसाद चतुर्वेदी नेपाल आएका छन्। उनलाई उपत्यका ट्राफिक प्रहरी कार्यालय काठमाडौं ल्याएकोमा एसएसपी सन्जिव शर्मा दास दिल्ली गएका छन्।
यस्तै अर्का एसएसपी दीपककुमार बस्नेतलाई भने नेपाल प्रहरी प्रदेश कार्यालय नेपालगन्ज सुर्खेत पठाइएको छ। उनी यस अगाडि प्रदेश समन्वय विभागमा थिए। गृहमन्त्रीस्तरीय निर्णयबाट आज उनीहरूको सरुवा गरिएको हो।
प्रतिक्रिया दिनुहोस्