बैतडी : बैतडीको खोड्पेमा विद्युतीय गाडी चार्ज गर्ने चार्जिङ स्टेसन सञ्चालनमा आएको छ । बिहीबार एक कार्यक्रमकाबीच उद्घाटन गरिएको हो ।
नविन बिष्टले सञ्चालन गरेको होटल हरिहर प्लाजामा विद्युतीय सवारी चार्ज गर्ने चार्जिङ स्टेसन सञ्चालनमा ल्याइएको हो ।
बैतडीसहित दार्चुला र बझाङको केन्द्रको रुपमा रहेको यस चार्जिङ स्टेसनमा तीन वटै जिल्ला भएर ओहोरदोहोर गर्ने विद्युतीय सवारी साधनहरुका लागि चार्ज गर्न सक्ने चार्जिङ स्टेसन सञ्चालक अर्जुन बिष्टले बताए । २४ सै घण्टा चार्ज गर्ने सुविधा रहेको उनले बताए ।
बिहीबार एक कार्यक्रमकाबीच विद्युतीय चाजिङ स्टेसनको सुरुवात गरिएको हो । पछिल्लो समयमा पहाडी क्षेत्रमा पनि विद्युतीय सवारीको चाप बढ्दै गएकाले यस चार्जिङ स्टेसनले सहज सेवा दिने अपेक्षा गरिएको वडा नं ८ का वडा अध्यक्ष हरिश बिष्टले बताए ।
बैतडीसहित दार्चुला र बझाङ ओहोरदोहोर गर्ने विद्युतीय सवारी साधनले यस स्टेसनबाट सेवा लिन सकिने बताइएको छ ।
प्रतिक्रिया दिनुहोस्