धनगढीमा पत्रकारको फुटसल प्रतियोगिता हुँदै

धनगढी । धनगढीमा मिडिया कप फुटसल प्रतियोगिता हुने भएको छ । नेपाल खेलकुद पत्रकार मञ्च कैलालीको आयोजनामा असोज १६ र १७ गते मिडिया फुटसल प्रतियोगिता हुने भएको हो ।

उक्त प्रतियोगिताका लागि खेलकुद पत्रकार मञ्च कैलालीले विज्ञप्ती नै जारी गरेर सहभागिताका लागि अनुरोध गरेको छ ।

प्रतियोगिताको विजेतालाई २५ हजार रुपैयाँ नगद पुरस्कार, मेडलर र प्रमाणपत्र र उप विजेताका लागी १५ हजार नगद सहित मेडल र प्रमाणपत्र प्रदान गरिने आयोजकले जनाएको छ ।

यस्तै प्रतियोगितामा उत्कृष्ट खेलाडी, उत्कृष्ट गोरक्षक र सार्वधिक गोलकर्तालाई समेत सम्मान गरिने आयोजकले जनाएको छ । आयोजकका अनुसार प्रतियोगितामा सहभागि हुन असोज १५ गतेसम्म नाम दर्ता गराइसक्नुपर्नेछ भने दर्ता शुल्क प्रति टिम ३ हजार रुपैयाँ तोकिएको छ ।