आफ्नो जन्मदिनको अवसरमा धनगढीको दृष्टि फाउण्डेसनलाई गरे चेत राज भट्टले न्यानो लुगा तथा फलफूल वितरण

धनगढी : डडेलधुरा गन्यापधुरा गाउँपालिका वडा नम्बर ४ का पूर्व वडाध्यक्ष तथा काँग्रेसका युवा नेता चेत राज भट्टले आफ्नो जन्मदिनको अवसरमा धनगढीको दृष्टि फाउण्डेसनलाई न्यानो लुगा तथा फलफूल वितरण गरेका छन् । भट्टले शुक्रवार फाउण्डेसनमै पुगेर २० थान बढी न्यानो लुगा र फलफूल वितरण गरेका हुन् ।

बेसहाराको सहारा बनेको दृष्टि फाउण्डेसनलाई आफूले विभिन्न समयमा सानो भए पनि सहयोग गर्न पाउँदा खुसी लागेको बताउँदै आगामी दिनहरूमा पनि सक्दो सहयोग गर्ने बताउँदै अनावश्यक खर्च गर्ने परिपाटीलाई निरुत्साहित गर्न आफूले असहायसँग जन्मउत्सब मनाउने गरेको बताए ।

दृष्टि फाउण्डेसनकी अध्यक्ष कल्पना भट्टले समय समयमा फाउण्डेसनलाई भट्टबाट सहयोग हुँदै आएको र आगामी दिनहरूमा पनि यस्तै सहयोगको भावना बढ्दै जाओस् भन्दै भट्टलाई जन्मोत्सवको शुभकामना व्यक्त गर्दै सामाजिक कार्य तथा राजनीतिक जीवनको उत्तरोत्तर प्रगतिको कामना गरिन गर्दै जाडो मौसम पनि सुरु हुन लागेको समयमा न्यानो लुगाले सहयोग पुग्ने बताइन्।

मानसिक सन्तुलन गुमाएका महिला, यौन हिंसामा परेका, सहाराविहीन भएका र अन्य हिंसामा परेका महिलालाई सेवा दिइरहेको दृष्टि फाउन्डेसनलाई समाजसेवी तथा व्यवसायी भट्टले यस अघि पनि ५० थान बढी न्यानो लुगा सहयोग गरेका थिए ।