अविरल वर्षाका कारण बझाङको जयपृथ्वी राजमार्ग अवरुद्ध

बझाङ : अविरल वर्षाका कारण बझाङको छबिस पाथीभरा गाउँपालिका वडा नम्बर–१ मा पहिरो गएको छ। 

बालुवाटार भन्ने ठाउँमा पहिरो खसेर जयपृथ्वी राजमार्ग अवरुद्ध भएको सुदूरपश्चिम प्रदेश प्रहरी कार्यालयका एसएसपी श्यामकृष्ण अधिकारीले बताए। 

पहिरोका कारण मानवीय क्षति भएको छैन। स्थानीय निकायसँग समन्वय गरेर पहिरो पन्छाउने काम भइरहेको अधिकारीले जानकारी दिए।