सुनको मूल्यले बनायो नयाँ कीर्तिमान

काठमाडौं : सुनको मूल्यले नयाँ कीर्तिमान कायम गरेको छ ।

लगातार उकालो लागेको सुनको मूल्य सोमबार प्रतितोला चार सय रुपैयाँले बढेर नयाँ कीर्तिमान कायम गरेको हो । 

नेपाल सुनचाँदी व्यवसायी महासंघका अनुसार, सोमबार सुन प्रतितोला एक लाख ५९ हजार दुई सय रुपैयाँमा कारोबार भइरहेको छ । यसअघि आइतबार सुनको मूल्य प्रतितोला एक लाख ५८ हजार आठ सय रुपैयाँ थियो ।

यस्तै, चाँदीको मूल्य भने स्थिर छ । सोमबार चाँदी प्रतितोला एक हजार नौ सय २० रुपैयाँमा कारोबार भइरहेको छ ।