बैतडी : बैतडीको पाटन नगरपालिका-३ बुङडामा पहिरोले मुहान पुरिएपछि खानेपानीको समस्या भएको छ ।
गत हप्ता तीन दिनसम्म भएको भारी वर्षाका कारण पहिरो खस्दा तिमलागैर भन्ने स्थानमा रहेको खानेपानीको मुहान पुरेको हो ।
तिमलागैर–बुङडा खानेपानी योजनाको मुहानमाथिबाट खसेको पहिरोले खानेपानीमा क्षति पुर्याएको स्थानीय गणेश विष्टले बताए । पहिरोका कारण खानेपानीको मूहान मासिएपछि बुङडा गाउँका ५० भन्दा बढी घरधुरीलाई खानेपानीको जोहो गर्न मुस्किल भएको छ ।
पहिरोले मासिएको खानेपानी मुहान मर्मतका लागि स्थानीय सरकारसंग आग्रह गरिएको विष्टले बताए ।
प्रतिक्रिया दिनुहोस्