सिमकोट : नेपाल पत्रकार महासंघ हुम्ला शाखाको कार्यालयमा ताला लगाइएको छ। शनिबार बेलुका नेपाल पत्रकार महासंघले सार्वजनिक गरेका सदस्यता विवरणमा प्रेस चौतारी नेपालको हुम्ला शाखाका सदस्यहरूको नाम छुटेको भन्दै महासंघको कार्यालयमा ताला लगाएको हो।
आफ्ना चार जना सदस्यको नाम छुटेको भन्दै महासंघ हुम्ला शाखाको कार्यालयमा ताला लगाइएको प्रेस चौतारी नेपालका हुम्लाका सचिव दाने बोहराले बताए।
उनले पत्रकार महासंघ हुम्ला शाखाले एक जनाको नवीकरण र तीन जनाको नयाँ सदस्य प्रदानका लागि सिफारिस गरेकोमा ती चारै जनाको सार्वजनिक भएको नामावलीमा छुटाएको भन्दै कार्यालयमा ताला लगाइएको बताए।
यसअघि महासंघ हुम्लाबाट ३२ जना पुराना सदस्यको नाम नवीकरणका लागि सिफारिस गरेको थियो भने ११ जनाको नाम नयाँ सदस्यका लागि सिफारिस गरेको थियो। हाल महासंघ केन्द्रले हुम्ला शाखाका लागि ४१ जनाको नाम सार्वजनिक गरेको छ।
प्रतिक्रिया दिनुहोस्