हावाहुरीले उडायो विद्यालयको छानो

बैतडी : बैतडीमा हावाहुरीले एक विद्यालय भवनको छानो उडाएको छ । पाटन नगरपालिका-८ खोड्पेस्थित सिद्धदीप आधारभूत विद्यालयको छानो उडाएको हो ।

शुक्रबार बिहान वर्षासँगै आएको हावाहुरीले विद्यालयको दुईकोठे भवनको छानो उडाएको विद्यालय व्यवस्थापन समितिका अध्यक्ष मोहन विष्टले बताए ।

जस्तापाताले छाएको दुई कोठे भवनको छानो आंशिक रुपमा उडाएको र थप जोखिम सिर्जना भएको हुँदा पठनपाठनमा समस्या हुने उनले बताए ।