बझाङको जयपृथ्वी राजमार्गमा पहिरो झर्दा सडक अवरुद्ध

धनगढी : बझाङको जयपृथ्वी राजमार्गमा पहिरो झर्दा सडक अवरुद्ध भएको छ । बिहीबार बिहान पाँच बजेदेखि तमैल बजारनजिकै जालेबगरमा पहिरो झरेपछि राजमार्ग अवरुद्ध भएको हो ।

सडक अवरुद्ध भएपछि जिल्लाबाट छुट्ने र भित्रिने लामो तथा छोटो दुरीका सवारी साधन चल्न सकेका छैनन् ।बिहीबार बिहान बझाङबाट धनगढी, काठमाडौं, महेन्द्रनगर, डडेल्धुराका लागि छुटेका र त्यहाँबाट बझाङ भित्रिने गाडीहरू रोकिएका छन् । प्रहरीका अनुसार सडक खुलाउन एक्स्काभेटर आएको तर, पहिरो झर्न नरोकिँदा खुलाउन समस्या भइरहेको जनाएको छ ।