सरकारी अनुदान पाएका संस्थामाथि अख्तियारले अनुसन्धान गर्नुपर्छ-गृहमन्त्री लेखक

काठमाडौं : गृहमन्त्री रमेश लेखकले निजी संस्थामाथि अख्तियार दुरुपयोग अनुसन्धान आयोगले अनुसन्धान गर्नुपर्ने बताएका छन् ।

राज्यव्यवस्था तथा सुशासन समितिको बैठकमा बोल्दै गृहमन्त्री लेखकले यस्तो बताएका हुन् ।
गृहमन्त्री लेखकले सरकारी लगानी वा अनुदान पाएको निजी संस्थामाथि अख्तियारले अनुसन्धान गर्नुपर्ने बताए।

भ्रष्टाचार निवारण ऐन २०५९ लाई संशोधन गर्न बनेको विधेयकमाथिको छलफलको क्रममा उनले सरकारी अनुदान पाएको निजी क्षेत्रमा अनुदान पाएको रकममाथि मात्रै अनुसन्धान गर्ने कि पुरै संस्थाको अनुसन्धान गर्ने भन्नेमा राज्यव्यवस्था समिति प्रस्ट हुनुपर्ने बताए ।