रौतहटमा लागू औषधसहित एक साधु प्रकाउ

काठमाडौं :रौतहटमा लागू औषधसहित एक जना व्यक्ति प्रकाउ परेका छन् । रौतहटको देवाही गोनाही नगरक्षेत्रमा लागु औषधसहित एक जना साधु पक्राउ परेका हुन।

देवाही गोनाही नगरपालिका-९ धरहरीस्थति राम जानकी मन्दिरमा बस्दै आएका साधु सिकेन्द्र राय यादवलाई गाँजासहित पक्राउ गरिएको हो ।

मन्दिरमा गाँजा बेचबिखन गर्ने गरेको सूचनाका आधारमा इलाका प्रहरी कार्यालय गोनाहीबाट गएको प्रहरीको टोलीले बुधबार राति चेकजाँच गर्दा लुकाई राखेको अन्दाजी १ किलो ग्राम लागु औषध गाँजा बरामद गरेको जिल्ला प्रहरी दिएको छ

यादवलाई थप अनुसन्धानका लागि हाल इलाका प्रहरी कार्यालय गरुडाको नियन्त्रणमा राखिएको र लागु औषध बेचबिखन सम्बन्धी मुद्दा दायर गरी कारबाही प्रक्रिया अगाडि बढाइएको प्रहरीले जनाएको छ ।