काठमाडौं : नेपाल टेलिकमको नेटवर्कमा टिकटक चलाउन पाउने सुविधा पुनः सुरु भएको छ । नेपाल दूरसञ्चार प्राधिकरणले जारी गरेको सार्वजनिक सूचनाको आधारमा टेलिकमले टिकटकको प्रयोगमा लगाइएको रोक हटाएको हो ।
२०८० कात्तिक २७ गते सामाजिक सद्भाव र वातावरणमा नकारात्मक असर परेको भन्दै टिकटकमा लगाइएको प्रतिबन्धलाई सरकारले मन्त्रिपरिषद्को २०८१ भदौ ६ गतेको निर्णयअनुसार हटाएको छ । अब टेलिकमका ग्राहकहरूले सजिलैसँग टिकटक प्रयोग गर्न सक्नेछन् ।
टिकटक प्रतिबन्ध हटेपछि टेलिकमले आफ्ना सेवाग्राहीलाई सहज रूपमा सामाजिक सञ्जालको उपयोग गर्न सक्ने वातावरण बनेको जनाएको छ । अर्को मोबाइल सेवाप्रदायक एनसेलले पनि शुक्रवारदेखि नै आफ्नो नेटवर्कमा टिकटकको पहुँच खुलाएको छ ।
प्रतिक्रिया दिनुहोस्