कैलाली : गृहमन्त्री रमेश लेखले प्रहरी प्रदेश कार्यालय परिसरमा नवनिर्मित नमुना पेट्रोल पम्पको उदघाटन गरेका छन ।
डिजेल ४० हजार र पेट्रोल ४० हजार गरि ८० हजार लिटर क्षमता रहेको उक्त नमुना पेट्रोल पम्प प्रहरी कल्याण कोषको लगानी निर्माण भएको हो ।
मंगलबार प्रहरी प्रमुख आइजीपी वसन्त बहादुर कुंवर संगै गृह जिल्ला कंचनपुर पुगेका गृहमन्त्री लेखकले विभिन्न प्रहरी युनिटहरुको उदघाटन गरेसंगै आज नमुना पेट्रोल पम्पको उदघाटन गरेका हुन ।
नेपाल सरकार गृह मन्त्रालय नेपाल प्रहरी प्रधान कार्यालय प्रशासन बिभाग अन्तर्गत कल्याण महाशाखाद्वारा निर्माण गरिएको नमुना पेट्रोल पम्पको एन. सी. / देउती बजई जेभी निमार्ण कम्पनीले ५३ करोड १६ लाख ५० हजारको लागतमा २०७९ कार्तिक २ गते सम्झौता गरि २०८१ बैशाख २ गते निर्माण सम्पन्न गरेको थियो ।
२४ सै घण्टा खुला रहने नमुना पेट्रोल पम्पको आज उदघाट गरिएको भएपनी बिक्रीवितरण भने गत बैशाख २४ गतेबाट नै शुरु गरिएको थियो ।
प्रतिक्रिया दिनुहोस्