टिप्परको ठक्करबाट पैदलयात्री घाइते

धनगढी : कैलालीमा टिप्परको ठक्करबाट एक पैदलयात्री घाइते भएका छन्।

बुधबार गौरीगंगा नगरपालिका–१ चौमालास्थित भित्री सडक खण्डमा रा १ ख १७२६ नम्बरको टिप्परले ठक्कर दिँदा पैदल यात्री घाइते भएका हुन्।

घाइते हुनेमा गौरीगंगा नगरपालिका–२ कटानपुरका ५९ वर्षीय सुपराम चौधरी रहेको जिल्ला प्रहरी कार्यालय कैलालीले जनाएको छ। घाइते चौधरीको चौमालामा रहेको डिके अस्पतालमा उपचार भइरहेको छ।

प्रहरीले टिप्पर र चालक बझाङको थलारा गाउँपालिका–१ का २६ वर्षीय जीवन विकलाई नियन्त्रणमा लिएको जनाएको छ।