ह्वारह्वार्ति घट्दै केपी ओलीका फेसबुक फलोअर्स

धनगढी । प्रधानमन्त्री केपी शर्मा ओलीको फेसबुक फलोअर्स ह्वारह्वार्ति घट्न थालेको छ ।

मंगलबार सामाजिक सञ्जाल फेसबुकमा युवाहरुले ‘केपी ओली अनफलो’ अभिया नै चलाएपछि ओलीको फेसबुकबाट फलोअर्स ह्वारह्वार्ति घटेका हुन् ।

खासगरी काठमाडौँका मेयर बालेन्द्र शाहले फेसबुकमा ‘पोस्ट उडाउने हैन, दोषी समाउ सरकार । म गलत हो भने मलाई समाउ, हैन भने दोषी समाउ ।’ भन्ने पोष्ट राखेपछि बालेन समर्थकले ‘केपी ओली अनफलो अभियान’ चलाएका हुन् ।

त्यसपछि नै प्रधानमन्त्री ओलीको फेसबुक फलोअर्स घट्न थालेको हो । हालसम्म ओलीको फेसबुकमा करिब ५० हजार बढी फलोअर्स घटिसकेका छन् । फलोअर्स घट्ने क्रम अझै जारी छ ।