गोदावरीमा ‘तीज महोत्सव’ आयोजना हुँदै

कैलाली । कैलालीमा ‘तीज विशेष सांस्कृतिक महोत्सव २०८१’ आयोजना हुने भएको छ ।

हिन्दु नेपाली नारीहरुको महान चाड हरितालिका तीजको अवसरमा कैलालीको गोदावरी नगरपालिका–८ स्याउलेमा उक्त महोत्सव आयोजना हुने भएको हो ।

महोत्सव वाईएन प्रोडक्सन र ऐजे डान्स स्टुडियोको संयुक्त आयोजनामा सञ्चालन हुन लागेको हो । तीजको अवसरमा आयोजना हुन लागेको उक्त महोत्सव विश्वनाथ शिव मन्दिरको प्राङ्गडमा भदौ २० र २१ गते सञ्चालन हुने आयोजकले जनाएको छ ।

आयोजकका अनुसार महोत्सवमा राष्ट्रिय तथा स्थानीय कलाकारहरुको बेजोड प्रस्तुती रहनेछ । त्यस्तै महोत्सवमा स्थानीय कला र संस्कृति झल्किने गरी महिला नृत्य प्रतियोगितासमेत आयोजना गरिनेछ ।

प्रतियोगितामा उत्कृष्ट प्रतियोगिलाई आकर्षक पुरस्कारसमेत प्रदान गरिने आयोजकले जनाएको छ । महोत्सवको नारा भने ‘कला संस्कृतिको जगेर्ना हाम्रो चाहना’ राखिएको छ ।