धनगढी : कैलालीको धनगढीमा ट्याक्टरको पछाडीको भागमा ठोक्किएर मोटरसाइकल चालक घाइते भएका छन्।
हिजो (शुक्रबार) साँझ धनगढी उपमहानगरपालिका–६ मटियारीमा धनगढी–९ का ३५ वर्षीय कम्मानसिंह ठगुन्नाले चलाएको से १ त ४४०७ नम्बरको ट्याक्टरको पछाडीको भागमा गोदावरी नगरपालिका–९ का ४९ वर्षीय प्रेम चौधरीले चलाएको से ६ प ५४६५ नम्बरको मोटरसाइकल ठोक्किदा छाती र खुट्टामा चोट लागेको प्रहरीले जनाएको छ।
घाइते मोटरसाइकल चालकको निसर्ग अस्पताल धनगढीमा उपचार भइरहेको छ। उनको अवस्थामा मध्यम छ। घटनास्थलमा प्रहरी सहायक निरीक्षक उद्धबराज जोशीको कमाण्डमा ३ जनाको प्रहरी टोली खटिएर मोटसाइकल, ट्याक्टर र ट्याक्टर चालकलाई नियन्त्रणमा लिएको प्रहरीले जनाएको छ।
प्रतिक्रिया दिनुहोस्