नेपाल रेडक्रस सोसाइटीद्वारा पहिरो पीडित परिवारलाई राहत वितरण

बाजुरा : नेपाल रेडक्रस सोसाइटी बाजुराले पहिरो पीडित परिवारलाई राहत वितरण गरेको छ।

जिल्लाको हिमाली गाउँपालिका गाई खर्कमा पहिरोमा परेर घाइते भएका तीनजनाको परिवारलाई वितरण गरेको हो। वडा नम्बर ३ बौडी, गाईखर्कमा गत साउन २६ गते पहिरोमा परी भएका परिवारलाई राहत वितरण गरिएको बताइएको छ।

तुलधन बुढा, मानबहादुर रोकाया र मुसबहादुर रोकाया गरी तिन परिवारलाई रेडक्रसले राहत वितरण गरेको छ। त्रिपाल, भाँडाकुँडा, कम्मल र लगाउने धोती साडीसहितका सामग्री उपलब्ध गराएको रेडक्रस सोसाइटी बाजुराले जनाएको छ।