भोली (सोमबार) धनगढीले श्री कृष्ण जन्माष्टमी महामहोत्सव मनाउँदै

धनगढी : धनगढीमा भोली (सोमबार) ऐतिहासिक श्री कृष्ण जन्माष्टमी महामहोत्सव कार्यक्रमको आयोजना हुने भएको छ । नेपाल अन्तर्राष्ट्रिय कृष्णभावनामृत सङ्घ ईस्कोन नेपाल धनगढी शाखाले उक्त महामहोत्सव आयोजना गर्न लागेको हो । 

कार्यक्रमको मूल समारोह दिउँसो २ बजे देखि हुने छ। त्यस्तै रातिको १२ बाजेसम्म भजन कीर्तन, लीला प्रवचन, नाटक, नृत्य, दीपदान, महाअभिषेक र सांस्कृतिक कार्यक्रम रहने कार्यक्रम संयोजक श्रीवासआदि दासले बताउनु भयो ।

श्रीकृष्ण जन्माष्टमी जस्ता पर्वहरू मनाउनु धर्म संस्कार तथा संस्कृतिको रक्षा गर्नु मात्र नभएर समाजमा सकारात्मक परिवर्तन तथा युवाहरुलाई विकृति विसंगतिबाट बचाइ सहि मार्ग निर्देशनले समग्र देश विकासको महत्त्वपूर्ण कोशेढुङ्गा बन्ने छ  भन्ने भावना राखेर यस धार्मिक उत्सव आयोजना गर्न लागेको ईस्कोन धनगढीका सचिव  शुकदेव गोस्वामी दासले बताउनु भयो  । 

ईस्कोन धनगढीले सुदुर पश्चिममा विभिन्न वैदिक संस्कृति तथा परम्परा को संरक्षण हेतु विभिन्न उत्सव,पर्व तथ दैनिक रूपमा आध्यात्मिक कार्यक्रमहरु गर्दै आइरहेको छ ।