डडेल्धुरा : डडेल्धुरामा अन्तर पालिकास्तरीय महिला तथा पुरुषको खुल्ला शुभकामना कप २०८१ भलिबल प्रतियोगिता हुने भएको छ ।
शुक्रबार जिल्ला भलिबल संघ डडेल्धुराका अध्यक्ष राजेन्द्रबहादुर ठगुन्नाको अध्यक्षतामा बसेको बैठकले दशैँ र तिहारको अवसरमा भलिबल प्रतियोगिता आयोजना गर्ने निर्णय गरेको हो।
नेपालको राष्ट्रिय खेल भलिबलको व्यापक प्रचारप्रसार र प्रवर्द्धन गर्ने उदेश्यले असोज १७ देखि १९ गतेसम्म प्रतियोगिता आयोजना गरिने जिल्ला भलिबल संघ डडेल्धुराका महासचिव पुस्करबहादुर देउवाले जानकारी दिए ।
उनका अनुसार बैठकले जिल्लाबाट राष्ट्रिय तथा अन्तर्राष्ट्रिय प्रतियोगितामा सहभागी भलिबल खेलाडीहरूलाई सम्मान गर्ने निर्णय पनि गरेको छ।
प्रतिक्रिया दिनुहोस्