काठमाडौँ : टेलिश्रृंखला ‘सक्किगोनि’का टिमले निर्माण गर्ने फिल्म ‘लाज शरणम’मा कलाकार हरिष निरौला (कक्रोज) भित्रिएका छन् । निर्माण टिमले फिल्मको मुख्य भूमिकामा निरौलालाई भित्र्याएको हो ।
केही अगाडि एक कार्यक्रम सहित निर्माण घोषणा भएको फिल्मका लेखक तथा निर्देशक कुमार कट्टेल रहेका छन् । फिल्ममा सागर लम्साल (बले), अर्जुन घिमिरे (पाँडे), र कमलमणी नेपाल (खुपीका बाउ), मुकुन्द श्रेष्ठ, विजय बराल र माला लिम्बुको अभिनय रहनछ ।
अभिनेता महेश दवाडी र अभिनेत्री रेनु नाथ योगीको समेत अभिनय रहने फिल्म भदौ तेस्रो साताबाट फ्लोरमा जानेछ । फागुन १४ गते महाशिवरात्रीको अवसरमा नेपालभरका रिलिज हुने बताइएको फिल्म जेपिटी क्रियसनको ब्यानरमा निर्माण हुन लागेको हो । फिल्ममा नवीन श्रेष्ठ निर्माता र राम नरेश शाह सह–निर्माताको रूपमा रहेका छन् ।
प्रतिक्रिया दिनुहोस्