डोटी : डोटीमा दुई मोटरसाइकल ठोक्किँदा तीन जना घाइते भएका छन् । बुधबार दीपायल सिलगढी नगरपालिका-६ थाप्लामा दुई मोटरसाइकल आापसमा ठोक्किँदा तीन जना घाइते भएका हुन् ।
प्रहरीका अनुसार घाइते हुनेमा बाजुराको बुढीगंगा नगरपालिका-६ बस्ने २० वर्षका सुवास बानिया, उनकी बहिनी १७ वर्षकी माया बानिया र दीपायल सिलगढी-६ बस्ने १८ वर्षका विकास खत्री रहेका छन् ।
बाजुराबाट धनगढी जाँदै गरेका बानियाँले चलाएको सुपप्र०१०१२प ३५३३ नम्बरको मोटरसाइकल र खत्रीले चलाएको बाप्र२०१९प १३४१ नम्बरको मोटरसाइकल एक आपसमा ठोकिएका थिए । दुर्घटनामा घाइते भएकी माया जिल्ला अस्पताल डोटीमा उपचारपछि डिस्चार्ज भइसकेकी जिल्ला प्रहरी कार्यालय डोटीले बताएको छ ।
सुवास र विकासलाई भने थप उपचारका लागि धनगढी रेफर गरिएकामा सेती प्रादेशिक अस्पतालमा उपचार भइरहेको डोटी प्रहरीले बताएको छ ।
प्रतिक्रिया दिनुहोस्