कैलाली र कञ्चनपुरबाट भन्सार छलिका सामान बरामद

धनगढी : प्रहरीले कैलाली र कञ्चनपुरका छुट्टाछुटै स्थानबाट भन्सार छलिका सामान बरामद गरेको छ । मंगलबार प्रहरीले धनगढी उपमहानगरपालिका – २ बालुवाघाट र टीकापुर नगरपालिका – ८ बटनपुरबाट अबैंध रुपमा भारतबाट भन्सार छलि गरि ल्याएका ५८ हजार ६८० र कञ्चनपुरको भीमदत्त नगरपालिका – ६ ऐठपुरबाट ४ लाख ६हजार २८५ रुपैयाँ बराबर अवैध सामान बरामद गरेको हो ।

धनगढी र टीकापुरबाट चिनी, साबुन, बच्चाको खेलौना, खाने तेल, सुटपिस, धोती, ब्लाउज, कुर्ती, साडी, दोपट्टा लगायतका सामानहरु बरामद गरिएको जिल्ला प्रहरी कार्यालय कैलालीले जनाएको छ ।

यस्तै ऐठपुरबाट सुटपिस, थान कपडा, बच्चाको खेलौना, कस्मेटिकका सामान, चियापत्ति, साबुन, खाने तेल, खुर्सानी, मसला लगायतका सामानहरु बरामद गरिएको जिल्ला प्रहरी कार्यालय कञ्चनपुरले जनाएको छ ।