धारिलो हतियार प्रहार गरी एक वृद्धको हत्या

रौतहट : धारिलो हतियार प्रहार गरी एक वृद्धको हत्या गरिएको छ । रौतहटको गौर नगरपालिका–५ कोइरी टोलका ७४ वर्षीय अनिरुद्ध महतो बुधबार मृत फेला परेका हुन् ।

उनको शव धान खेतमा फेला परेको र धारिलो हतियार प्रहार गरी हत्या भएको प्रारम्भिक अनुसन्धानबाट खुलेको जिल्ला प्रहरी कार्यालय रौतहटका प्रहरी उपरीक्षक दिलिप घिमिरेले बताए । प्रहरीले घटनाबारे अनुसन्धान भइरहेको जनाएको छ ।