पर्सा : पर्सामा आफ्नै ससुराको ह*त्या अभियोगमा एक जना युवक पक्राउ परेका छन् ।
वीरगन्ज महानगरपालिका-७ रामटोल बस्ने ६५ वर्षीय सिताराम सर्राफको ह*त्या अभियोगमा उनकै ज्वाइँ वीरगन्ज-१० प्रगति टोल बस्ने बारा कलैया उपमहानगरपालिका-१ राजदेवी टोल घर भएका ३१ वर्षीय साजन सर्राफ पक्राउ परेका हुन् ।
प्रहरीका अनुसार उनीहरूबिच विवाद भएपछि साजनले सीताराममाथि कुटपिट गरेका थिए । कुटपिटबाट गम्भीर घाइते भएका सीतारामको नारायणी अस्पतालमा उपचारको क्रममा मृत्यु भएको थियो ।
प्रहरीले उनलाई सोमबार पक्राउ गरेको र आवश्यक अनुसन्धान गरिरहेको जनाएको छ ।
प्रतिक्रिया दिनुहोस्