काठमाडौं : नेपालको राष्ट्रिय क्रिकेट टोलीका कप्तान रोहित कुमार पौडेल आबद्ध टोरन्टो नेसनलले ग्लोबल टी–२० क्यानाडाको फाइनलमा स्थान पक्का गरेको छ।
टोरन्टोले ब्राम्पटन उल्भ्सलाई ५ विकेटले पराजित गर्दै फाइनलमा पुगेको हो। यद्यपि, यो खेलमा रोहित भने प्लेइङ-११ मा पर्न सकेनन्। ब्राम्पटनले दिएको १४१ रनको लक्ष्य पछ्याएको टोरन्टोले १० बल बाँकी रहँदै ५ विकेटको क्षतिमा पुरा गरेको थियो।
आज आइतबार हुने फाइनलमा टोरन्टो र मन्ट्रियल टाइगर्सबीच भिडन्त हुनेछ। टोरन्टो र टाइगर्स नेपाली समयअनुसार राति पौने १० बजे आमने सामने हुनेछन्।
प्रतिक्रिया दिनुहोस्