बाजुराको ठिकु भन्ने स्थानमा पहिरो जाँदा चार जना घाइते

धनगढी : बाजुरामा गएको पहिरोमा परी चार जना घाइते भएका छन्।

बाजुराको हिमाली गाउँपालिका–३ ठिकु भन्ने स्थानमा आज बिहान गएको पहिरोमा परेर चार जना घाइते भएका हुन्।

घाइते हुनेमा हिमाली गाउँपालिका–३ का १३ वर्षीया पे्रमकला बुढा, १० वर्षीया ललिता बुढा, ५० वर्षीय हंस बुढा र १५ वर्षीया अनिता रोकाय रहेका छन्। प्रेमकलाको अवस्था गम्भीर रहेको र उनको हुम्लाबाट डाक्टर आएर घरमै उपचार भइरहेको र अन्यको अवस्था भने सामान्य रहेको प्रहरीले जानकारी दिएको छ।

उक्त पहिरोमा परेर १३ जनाका २६ गोरु बेपत्ता भएका छन् भनी १५ गोरु मरेका जिल्ला प्रहरी कार्यालय बाजुराले जनाएको छ।
आज बिहान जङ्गलमा गोरु चराउन लैजाँदै गरेको बेला पहिरो खसेर गोरु बेपत्ता भएका हुन्।