धनगढी : डडेल्धुरामा प्रहरीमाथि जाइ लाग्ने दुईजनालाई प्रहरीले पक्राउ गरेर थुनामा राखेको छ।
सोमबार राति जिल्लाको अमरगढी नगरपालिका-५ तुफानडाँडास्थित सडकमै प्रहरीमाथि जाइ लागेका उनीहरूलाई प्रहरीले थुनेको हो।जिल्ला प्रहरी कार्यालय डडेल्धुराका इन्सपेक्टर बिरबहादुर थापाले दिएको जानकारी अनुसार पक्राउ पर्नेमा अमरगढी नगरपालिका-११ घर भएका करन बोहरा र डडेल्धुरा सदरमुकाममा बस्ने गौरव ऐर रहेका छन्।बोहरा अमरगढी नगरपालिका-११ का निर्वाचित वडा सदस्य हुन्।
उनीहरूले बजारमै रहेको महेश्वरी होटल नजिक मदिरा सेवन गरेर लफडा गरेका थिए।प्रहरी स्रोतका अनुसार एक रात्रीकालिन बसमा तोडफोड र बस चालकमाथि कुटपिट गरेपछि बस चालकले प्रहरीलाई खबर गरेका थिए।
प्रहरीले उनीहरूलाई पक्राउ गर्न खोजेपछि ड्युटीमा खटिएका ५/६ जना प्रहरीमाथि उनीहरूले हातपात गर्नुका साथै गालीगलाैज गरेका थिए।
अहिले घटनाको थप अनुसन्धान भैरहेको प्रहरीले जनाएको छ।
प्रतिक्रिया दिनुहोस्