उपत्यकाका खोला किनारका बस्तीमा बाढी उर्लिँदा…

काठमाडौँ : अविरल वर्षाका कारण बागमती, विष्णुमती र मनोहरामा ठूलो बाढी आएपछि काठमाडौं उपत्यकाको खोला किनारका बस्ती डुबानमा परेका छन्।

बागमती र विष्णुमतीमा बिहानैदेखि बहाव बढेर बस्तीमा बाढी पसेपछि किनार र आसपासका बासिन्दाले घर छाडेका थिए।बागमती र मनोहरामा आएको बाढीले ललितपुरको च्यासल र सानेपा तथा काठमाडौंको थापाथली, टेकु, बल्खु क्षेत्रलाई प्रभावित पारेको छ। बाढी बल्खु तरकारी बजारमा पनि पसेको छ।

बाढीले खोला किनार जलमग्न हुँदा जनजीवन र करिडोर सडकको आवागमन पनि प्रभावित भएको छ। यसअघि पनि साउन १६ गते बाढी आउँदा नदी किनारका बसोबासी र सर्वसाधारणले सास्ती भोगेका थिए।